Google’dagi avariya sabab butun dunyoda YouTube, PayPal va Gmail ishida uzilishlar ro‘y bermoqda

Butun dunyo bo‘ylab YouTube, PayPal hamda Gmail ishida uzilishlar kuzatilmoqda, deb xabar beradi “Gazeta.ru”.

CNBC telekanali Google Cloud’ning o‘chib qolganligi sabab mazkur nosozliklar kelib chiqayotganini ma’lum qildi. “Bulut”ga bog‘liq muammolar AQSh, Yevropa va Janubiy Amerika foydalanuvchilarida kuzatilmoqda.

Google kompaniyasi tarmoq qayta yoqilgani sabab “bulut” o‘chib qolganini bildirgan.

Kompaniya yaqin vaqtlar ichida servis ishini qayta tiklashga va’da berdi.