Atambayev o‘z tarafdorlarini mitingga olib chiqishga qaror qildi

Qirg‘iziston sobiq prezidenti Almazbek Atambayev Bishkekda muddatsiz miting o‘tkazishga qaror qildi. “RBK”ning xabar berishicha, bu haqda u o‘z tarafdorlari bilan uchrashuvda ma’lum qilgan.

Uning ta’kidlashicha, miting mahalliy vaqt bilan soat 16:00 da Forum binosi oldida boshlanadi, so‘ng namoyishchilar Oq uyga boradi.

Atambayevning so‘zlariga ko‘ra, uning tarafdorlari amaldagi prezident Sooronbay Jeenbekov, hukumat va parlament iste’fosini talab qilib, miting o‘tkazishni taklif qilgan.