“Bavariya” Koutinyo transferini e’lon qildi

“Barselona” klubi yarim himoyachisi Filippe Koutinyo faoliyatini “Bavariya”da davom ettiradi. Bu haqida nemis klubi rasmiy saytida ma’lum qilindi.

Myunxenliklar klubi 27 yoshli futbolchini sotib olish huquqi bilan bir mavsumga ijaraga olgan. Tomonlar kelishuvning moliyaviy tafsilotlarini e’lon qilmaslikka kelishib olgan.

Braziliyalik futbolchi yangi jamoasida 10-raqam ostida harakat qiladi.

Koutinyo o‘tgan mavsum La Ligada 34 o‘yin o‘tkazib, 5 gol va ikkita samarali uzatmaga muallif bo‘lgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!