MTS O‘zbekiston 2014-yil oxirigacha ish faoliyatini qayta tiklaydi
Rossiya va MDH davlatlarida yetakchi telekommunikatsiya operatori "Mobilniye TeleSistemi” OAJ va O‘zbekiston Respublikasi o‘rtasida murosa bitimi imzolandi. Unga ko‘ra, Kompaniya davlat ishtirokidagi qo‘shma korxona doirasida O‘zbekiston Respublikasi hududida mobil aloqa xizmatini ko‘rsatish bo‘yicha o‘z faoliyatini tiklashni rejalashtirmoqda. Bu haqda MTS kompaniyasi matbuot xizmati xabar berdi.
Qo‘shma korxona o‘z faoliyatini MTS kompaniyasining O‘zbekistondagi sobiq sho‘ba korxonasi "Uzdunrobita” QK MChJga tegishli bo‘lgan mulk, jihozlar, chastotalar va infratuzilma asosida olib boradi.
"Kun”ning qo‘shimcha qilishicha, tomonlar yaqin vaqt ichida murosa bitimida ko‘zda tutilgan barcha protseduralarni yakunlab, 2014-yil oxiriga qadar mobil aloqa tarmog‘ini tijoriy foydalanishga topshirishni rejalashtirishmoqda.
Murosa bitimiga asosan, O‘zbekiston hukumati MTS’ga 2G/3G/LTE tarmoqlari uchun litsenziyalar, zaruriy chastota diapazonlari, raqamlar sig‘imini taqdim etadi, aloqa kanallari ijarasi bilan ta’minlaydi, O‘zbekistondagi faoliyat uchun zarur bo‘lgan barcha ruxsatnomalarni beradi.
Добавить комментарий!
- отсутствуют