Gonkong politsiyasi birinchi marta norozilik namoyishida o‘q uzdi

Gonkong politsiyasi birinchi marta norozilik namoyishida o‘q uzdi, deb yozmoqda “Exo Moskvi”.

Bu shaharning materikli qismida sodir bo‘lgan. Xabarda aytilishicha, kuch ishlatarlardan biri to‘pponchadan o‘q uzgan. Jabrlanganlar haqida ma’lum qilinmagan.

Eslatib o‘tamiz, 25-avgust kuni radikal namoyishchilarning bir qismi rasmiylar bilan kelishilgan miting yo‘nalishidan chetga chiqqan. Ular yo‘llarda to‘siqlar qurgan, g‘ishtlar va bambuk tayoqlar bilan qurollangan. Politsiya ularga qarshi ko‘zni yoshlantiruvchi gaz va ikkita suv sochuvchi maxsus mashinadan foydalangan.

Gonkongda ommaviy norozilik qariyb 2 haftadan beri davom etmoqda.