Navoiyda fuqaroning uyidan 7,5 mln so‘m o‘g‘irlagan 18 yoshli yigit qo‘lga olindi

23-avgust kuni Navoiy viloyatining Navbahor tumanida yashovchi 51 yoshli N.I. IIBga murojaat qildi, deb xabar berdi IIV Jamoatchilik va OAV bilan aloqalar boshqarmasi.

Fuqaro o‘z murojaatida shu yil 17-avgustdan 20-avgustga qadar bo‘lgan vaqt oralig‘ida noma’lum shaxs uning uyiga g‘ayriqonuniy ravishda kirib, xonasidan 7 500 000 so‘m pulini o‘g‘irlab ketganligini ma’lum qilgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni “Qalqon ota” MFY Porloq ko‘chasida yashovchi 18 yoshli G‘.I. sodir etganligi aniqlanib, ushlangan. Tergov harakatlari davom etmoqda.