Sankt-Peterburgda O‘zbekiston fuqarosi og‘ir ahvolda topildi

O‘zbekistonning Sankt-Peterburg shahridagi Bosh konsulxonasi 2019-yil 26-avgust kuni O‘zbeksiton fuqarosi G‘.P. og‘ir ahvolda topilganligi va 33-sonli shahar kasalxonasiga yotqizilganligi to‘g‘risida OAVda tarqalgan ma’lumotni tasdiqladi.

TIV matbuot xizmatining xabariga ko‘ra, shifokorlar bemorni ko‘rikdan o‘tkazish chog‘ida oyoqning travmatik amputatsiyasini qayd etgan. Hozirda bemorning ahvoli qoniqarli va reanimatsiya bo‘limidan travmatologiya bo‘limiga o‘tkazilgan.

Bosh konsulxona vaziyatni nazoratga olgan va Sankt-Peterburg shahrining huquqni muhofaza qiluvchi organlari va tibbiyot muassasasi bilan aloqada bo‘lib turibdi.