“Chelsi” yarim himoyachisi “Monako”ga o‘tdi

Londonning “Chelsi” klubi yarim himoyachisi Tyemue Bakayoko faoliyatini Fransiya klubida davom ettiradigan bo‘ldi.

“Monako” 25 yoshli fransiyalik futbolchini bir mavsumga ijaraga oldi. Monegasklar Bakayokoni mavsum so‘ngida to‘la sotib olish huquqiga ham ega bo‘ldi.

Ma’lumot uchun, Bakayoko “Chelsi”ga kelgunga qadar “Monako”da to‘p surgan. 2017-yil yozida esa London klubi futbolchini 45 million yevro evaziga sotib olgan.

U o‘tgan mavsumni ijara asosida “Milan” safida o‘tkazdi. Ortda qolgan mavsum Bakayoko A Seriyaning 31 ta o‘yinida ishtirok etib, 1 ta gol urdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!