“Bavariya” JCh—2018 vitse-chempionini o‘z safiga qo‘shib oladi

“Inter” yarim himoyachisi Ivan Perishich “Bavariya”ga o‘tadi, deb yozadi italiyalik jurnalist Janluka di Martsio.

Xabarga ko‘ra, “Bavariya” 5 million yevro evaziga Perishichni ijaraga oladi. Mavsum so‘ngida esa Myunxen klubi futbolchini 20 million yevroga to‘liq sotib olish huquqini qo‘lga kiritadi.

Transfer “Inter”ning xitoylik xo‘jayinlari tomonidan tasdiqlansagina amalga oshadi.

O‘tgan mavsum Perishich “Inter” safida A Seriyaning 34 ta o‘yinida ishtirok etib, 8 ta gol urdi va 5 ta golli uzatmani amalga oshirdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!