Muftiy Usmonxon Alimov Zangiotadagi yangi masjidga g‘isht qo‘yish marosimida qatnashdi (foto)

O‘zbekiston musulmonlari idorasi raisi, muftiy Usmonxon Alimov 11-sentabr kuni Toshkent viloyati Zangiota tumanida qurilayotgan “Salmon Forsiy” jome masjidiga g‘isht qo‘yish marosimida ishtirok etdi. O‘zbekiston musulmonlari idorasi matbuot xizmati ushbu marosimdan fotolavhalar taqdim etdi.

Unda Usmonxon Alimov bilan birga Toshkent viloyati bosh imom xatibi Xayrulloh domla ham g‘isht qo‘yayotgani ko‘rsatilgan.

Eslatib o‘tamiz, 10-sentabr kuni Usmonxon Alimov diniy idora raisligidan olingani, uning o‘rniga Toshkent viloyati bosh imom xatibi Xayrulloh domla muftiy bo‘lgani haqida xabarlar tarqatilgandi.

O‘zbekiston musulmonlari idorasi bu xabarlarni rasman rad etgan.