Donald Tramp 2019-yil oxiriga qadar Kim Chen In bilan yana bir bor uchrashishi mumkinligini ma’lum qildi

AQSh prezidenti Donald Tramp joriy yilda yana bir bor KXDR yetakchisi Kim Chen In bilan uchrashishi mumkinligini ma’lum qildi, deb xabar beradi “Kommersant”.

“Qaysidir vaqtda, ha. Albatta, ular uchrashishni xohlamoqda. O‘ylashimcha, bu sodir bo‘ladi”, — degan Donald Tramp jurnalistlar tomonidan berilgan savolga.

AQSh prezidenti va KXDR yetakchisining bundan oldingi uchrashuvi iyun oyida Janubiy va Shimoliy Koreya chegarasidagi qurolsizlangan hududda bo‘lib o‘tgandi. Uchrashuv yakunlarida ikki mamlakat yetakchilari muzokaralarga oid vaziyatni bartaraf etuvchi ishchi guruhni tuzishga kelishib olgan edi.

Mavzuga doir: KXDR AQSh bilan muzokaralarni qayta tiklashga tayyor ekanligini bildirdi