Iroqdagi portlash oqibatida 17 nafar odam qurbon bo‘ldi

Iroqning Karbalo shahrida yo‘nalish transporti portlashi natijasida 17 nafar odam voqea joyida halok bo‘ldi va 5 kishi turli darajadagi jarohatlar oldi. Bu haqda Al-Sumaria telekanali ma’lumotiga tayanib “RBK” xabar berdi.

Hodisa shaharga kirish yo‘lidagi nazorat-o‘tkazish punktida ro‘y bergan.

Hozirda hududdagi jangarilar guruhining hech biri sodir bo‘lgan voqea yuzasidan mas’uliyatni o‘z zimmasiga olmagan.

Mahalliy nashrlarning yozishicha, Iroq xavfsizlik kuchlari xodimlari portlash sodir bo‘lishiga aloqador bo‘lgan terrorchini qo‘lga tushirgan.

Mavzuga doir: Iroqdagi masjidda portlash oqibatida o‘n kishi halok bo‘ldi