Boks bo‘yicha Jahon chempionatining eng yaxshi sportchisi e’lon qilindi

Rossiyaning Yekaterinburg shahri mezbonlik qilgan boks bo‘yicha XX Jahon chempionati ham 21-sentabr kuni yakuniga yetdi.

O‘zbekiston terma jamoasi 3 ta oltin, 1 ta kumush va 1 ta bronza medal bilan umumjamoa hisobida musobaqani birinchi o‘rinda yakunladi. Shu tariqa o‘zbekistonlik bokschilar Jahon chempionatlaridagi eng yaxshi natijasini qayd etdi.

Bundan tashqari +91 kg vazn toifasida musobaqa oltin medaliga ega chiqqan Bahodir Jalolov Jahon chempionatining eng yaxshi bokschisi sifatida e’tirof etildi.

Yanada ko‘proq futbol, boks va boshqa sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!