O‘zbekistonda 63 ta kompaniyaning davlat ulushi sotuvga qo‘yiladi

O‘zbekistonda 63 ta kompaniyaning davlat ulushi sotuvga qo‘yiladi. Vazirlar Mahkamasi shu haqda 24-sentabr, seshanba kuni tegishli qaror qabul qildi, deya xabar beradi Spot.

Ushbu qarorning loyiha jarayonida 158 ta kompaniya bo‘lgan. Shu tariqa, davlat yana 100 ga yaqin kompaniyadagi ulushini sotmay turishga qaror qilgan.

Tasdiqlangan ro‘yxatda “Ipak yo‘li” banki, “O‘zeltexprom-Motorola-Telekom-Radio”, “Gazavtomatika” va boshqa kompaniyalarni ko‘rish mumkin.

Ularning aksariyatida 25 foiz ulush taklif etilmoqda, biroq davlat ulushi bundan ko‘p yoki kam bo‘lganlari ham bor. Jumladan, “Ipak yo‘li” banki (0,41 foiz), “Chotqol” MCHJ (12,5 foiz), “Buxoroagrofrukt” (1,9 foiz) shular jumlasidan.