Yunusobod tumani IIB boshlig‘i va tuman prokurori ishdan olindi

Yunusobod tumani IIB boshlig‘i Ne’mat Haydarov egallab turgan vazifasidan ozod qilindi. Bu haqda, Toshkent shahar IIBBdagi manbaga asoslanib, “Novosti Uzbekistana” xabar bermoqda.

Uning o‘rniga podpolkovnik Elbek Xayrullayev Yunusobod tumani IIB boshlig‘i etib tayinlangan.

Bundan tashqari, Yunusobod tuman prokuratura boshqarmasi boshlig‘i ham ishdan olingan. Mansabdorlarning nima sababdan ishdan bo‘shatilgani ma’lum qilinmagan.

Avvalroq Yunusobod tumani hokimi Mira’zam Mirqosimov lavozimidan ozod etilgani haqida xabar berilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!