Iste’molchilar huquqlarini himoya qilish agentligiga rahbar tayinlandi

Elmurod Haitmatov O‘zbekiston Monopoliyaga qarshi kurash qo‘mitasi huzuridagi Iste’molchilar huquqlarini himoya qilish agentligiga direktor etib tayinlandi. Bu haqda “Gazeta.uz” xabar berdi.

Elmurod Haitmatov bugungi kunga qadar qo‘mitaning monopoliyaga qarshi kurashni tartibga solish boshqarmasi boshlig‘i lavozimida ishlab kelgan.

Iste’molchilar huquqlarini himoya qilish agentligi O‘zbekiston Prezidentining 2019-yil 11-sentabridagi farmoniga asosan tashkil qilingan. Uning asosiy vazifalaridan biri reklama bozorini tartibga solish hamda mahsulotlarning nazorat xaridlarini amalga oshirish hisoblanadi.

Mavzuga doir: O‘zbekiston reklama bozorini tartibga soluvchi agentlik tashkil etildi