Toshkentda o‘g‘lini Ispaniya futbol akademiyasiga o‘qishga jo‘natish istagidagi ayol 35 mln so‘mga chuv tushdi

Yakkasaroy tuman IIB tomonidan firibgarlik jinoyatini sodir etgan xususiy tadbirkorga nisbatan jinoyat ishi qo‘zg‘atildi. Bu haqda Yakkasaroy tuman IIB matbuot xizmati “Daryo”ga xabar berdi.

Toshkent shahar Yakkasaroy tumanida joylashgan “Professional footbal acedemy” MChJ rahbari 20 yoshli I.N.ga fuqaro G.M.ning o‘g‘li J.S.ni Ispaniyadagi futbol akademiyasiga o‘qishga jo‘natish evaziga ayoldan 35 million so‘m pulini olgan.

Biroq I.N. shu paytgacha va’dasini bajarmay kelgan, pullarni ham qaytarmagan.

Ushbu holat yuzasidan Yakkasaroy tumani IIO FMB huzuridagi tergov bo‘limida O‘zbekiston Respublikasi JKning 168-moddasi (firibgarlik)  tegishli qism va bandlari bilan jinoyat ishi qo‘zg‘atilgan.