Toshkent xalqaro aeroporti avtoturargohida ichida 500 dollar bo‘lgan sumkani o‘g‘irlagan shaxs qidirilmoqda

Toshkent xalqaro aeroporti avtoturargohida sodir etilgan o‘g‘rilikda gumonlanuvchining shaxsini aniqlash va qo‘lga olish bo‘yicha choralar ko‘rilmoqda, deb xabar beradi poytaxt IIBB matbuot xizmati.

17-oktabr kuni taxminan soat 13:00 da Sergeli tumanida noma’lum shaxs xalqaro aeroport yonidagi avtoturargohda bo‘la turib, 40 yoshli Muzaffar S. tomonidan qarovsiz qoldirilgan sumkani o‘g‘irlab ketgan. Jabrlanuvchining gaplariga qaraganda, sumkadan 500 AQSh dollari bo‘lgan.

Ushbu fakt asosida O‘zbekiston Respublikasi Jinoyat kodeksining 169-moddasi (O‘g‘rilik) bo‘yicha jinoiy ish qo‘zg‘atildi. Gumonlanuvchining shaxsini aniqlash va qo‘lga olish bo‘yicha choralar ko‘rilmoqda.