Toshkent shahar IIBB voyaga yetmaganlar o‘ldirilayotgani to‘g‘risidagi xabarlar haqida: “Asossiz vahima uyg‘otayotgan kimsalarning shaxsi aniqlanmoqda”.

Ijtimoiy tarmoqlar va Telegram messenjerida Toshkent viloyati hududida voyaga yetmagan bolalarning jasadlari ichki organlari bo‘lmagan holatda topilganligi haqidagi ma’lumot tarqamoqda. Toshkent shahar IIBB ushbu xabarlarga o‘z munosabatini bildirdi.

Ta’kidlanishicha, bu borada tarqalayotgan xabarlar haqiqatdan yiroq bo‘lib, shuningdek, Toshkent shahri va Toshkent viloyatida voyaga yetmaganlarga qiziqish bildiruvchi jinoyatchi paydo bo‘lganligi haqidagi xabarlarda ham asos yo‘q.

Ayni vaqtda Toshkent shahar IIBB asossiz ma’lumotlarni tarqatib, vahima uyg‘otayotgan kimsalarning shaxslarini aniqlash bo‘yicha chora ko‘rmoqda.