O‘zbekiston hukumati 2017-yilda Oliy Majlisga 30 ta qonun loyihasini kiritadi

O‘zbekiston hukumati qarori bilan joriy yilda qonunlar ishlab chiqish va Oliy Majlis Qonunchilik palatasiga taqdim etish dasturi tasdiqlandi. Bu haqda Norma xabar bermoqda. 

Qaror O‘zbekiston Prezidenti imzolangan hujjatlarda ko‘zda tutilgan 22 ta, davlat boshqaruvi organlari tashabbus va taklifi bilan ishlab chiqilgan 8 ta, jami 30 ta qonun loyihasini o‘z ichiga oladi. 

Ular sirasiga, jumladan: 

“Ma’muriy tartib-tamoyillar to‘g‘risida”;

“Davlat-xususiy sheriklik to‘g‘risida”;

“Aholi bandligiga ko‘maklashish nodavlat tashkilotlari (rekruting agentliklari) to‘g‘risida”;

“Mehnat migratsiyasi to‘g‘risida”;

“Kelishuv (mediatsiya) jarayonlari to‘g‘risida”;

“Davlat xizmati to‘g‘risida”gi va boshqa qonun loyihalari kiritilgan. 

“Daryo”ning Telegram’dagi rasmiy kanali — @toshqindaryo’ga a’zo bo‘ling!