Bojxonachilar 78,5 mln so‘mlik pirotexnika vositalarining noqonuniy aylanmasini fosh qildi 

Davlat bojxona qo‘mitasi Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan o‘tkazilgan tezkor tadbirda fuqaro A.A. boshqaruvidagi avtomashina kuzatuvga olindi va avtoulov belgilangan tartibda xolislar ishtirokida nazoratdan o‘tkazildi. Bu haqda davlat bojxona qo‘mitasi axborot xizmati “Daryo”ga xabar berdi.

Tekshiruv natijasida avtomashina yukxonasida umumiy qiymati 78,5 million so‘mni tashkil qiluvchi 67 290 dona pirotexnika vositalari borligi aniqlandi.

Mazkur holat yuzasidan bojxona organlari tomonidan surishtiruv harakatlari olib borilmoqda.