Apple aksiyalarining narxi ilk bor 300 dollardan oshdi

Apple aksiyalarining narxi 2-yanvar kuni ilk bor 300 dollardan oshdi. Bu haqda “Kommersant” xabar bermoqda.

Savdolar yopiladigan payt kompaniya qimmatli qog‘ozlari 2,3 foizga qimmatladi va 300,35 dollarni tashkil etdi.

Financial Times manbalariga ko‘ra, hozirda Apple’ning bozor kapitallashuvi 1,33 trillion dollarga yetgan. Bu ko‘rsatkich bo‘yicha 1,23 trillion dollar bilan Microsoft ikkinchi o‘rinda bormoqda.

Ma’lumot uchun, Apple aksiyalari narxi 2018-yil avgustida ilk bor 200 dollardan oshgandi. 2009-yildan beri kompaniya qimmatli qog‘ozlari qiymati deyarli o‘n baravarga o‘sdi.