AQSh harbiylari Eron madaniy obyektlariga zarba bermasligini ma’lum qildi

AQSh harbiylari Eronning madaniy obyektlariga zarba bermaydi. Bu haqda Pentagon rahbari Mark Esper ma’lum qildi, deya xabar beradi Reuters.

“Bunday obyektlar AQSh armiyasi zarbasi uchun nishon bo‘lishi mumkinmi?” degan savolga javoban Esper Qo‘shma Shtatlar qurolli mojarolar qonunlariga rioya qilishini bildirdi.

Ma’lumot uchun, oldinroq AQSh prezidenti Donald Tramp zarba berish uchun tanlangan ayrim obyektlar Eron hamda uning madaniyati uchun juda ahamiyatli hisoblanishini ma’lum qilgandi.

Mavzuga doir: Tramp Erondagi 52 ta obyektga zarba berilishi mumkinligi haqida ogohlantirdi