“Oskar” mukofotining topshirilishi qatorasiga ikkinchi yil boshlovchisiz o‘tadigan bo‘ldi

AQSh kinoakademiyasining 2020-yildagi mukofotlarini topshirish marosimi boshlovchisiz o‘tadi. Bu haqda ABC telekompaniyasi rahbarlaridan biri Keri Burk ma’lum qildi, deya xabar beradi Meduza.

“Oskar” boshlovchisiz o‘tishi tarixda uchinchi bor va qatorasiga ikkinchi yil sodir bo‘lmoqda.

2019-yili ushbu mukofotning topshirish marosimi komik Kevin Xart eski tvitlari bilan bog‘liq mojarolardan so‘ng ishtirok etishdan bosh tortganidan so‘ng boshlovchisiz qolgandi. Bungacha marosim faqat 1989-yilda boshlovchisiz o‘tgan.

Ma’lumot uchun, “Oskar” mukofotlarining topshirilishi 2020-yil 9-fevralda bo‘lib o‘tishi rejalashtirilgan.

Mavzuga doir: Oskar mukofotini topshirish marosimi 30 yil ichida ilk marotaba boshlovchisiz o‘tadi