Telegram’da Markaziy bank nomidan asossiz ma’lumotlar tarqatayotgan soxta kanal aniqlandi 

Markaziy bank Telegram messenjerida bank nomidan asossiz xabarlar tarqatilayotgan soxta kanal haqida xabar berdi.

“‘Markaziy bank aksiyasi’ sarlavhasi bilan “zakaz_mui” deb nomlangan Telegram kanalda tarqatilayotgan axborot Markaziy bankning kommunikatsion kanallariga aloqasi yo‘qligi va hech qanday asosga ega emasligini bildiramiz.

Rasmiy tashkilot nomidan noqonuniy faoliyat yuritilishi amaldagi qonunchilikning qo‘pol buzilishi hisoblanadi va ko‘rib chiqish uchun respublika huquqni muhofaza qilish idoralariga yuboriladi”, — deyiladi xabarda.