“Yuventus” Virjil van Deyk transferi uchun 180 mln yevro taklif qiladi

“Liverpul” himoyachisi Virjil van Deyk faoliyatini Italiyada davom ettirishi mumkin.

The Sun nashrining xabar qilishicha, 28 yoshli futbolchiga “Yuventus”dan qiziqish bor. Turinliklar klubi van Deyk transferi uchun 150 million funt (180 million yevro) taklif qilishga tayyor.

“Yuventus” rahbariyati van Deyk “Liverpul” bilan Angliya chempionligini qo‘lga kiritadigan bo‘lsa, yangi chorlovlar sari intilishidan umidvor.

2019-yilda van Deyk “qizillar” bilan Yevropa Chempionlar Ligasi, UEFA Superkubogi va klublar o‘rtasidagi Jahon Chempionitida g‘olib chiqdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!