APLda yozgi transferlar oynasiga o‘zgartirish kiritildi

Angliya Premyer Liga klublari yozgi transfer mavsumini avvalgi ko‘rinishga keltirish borasida kelishib oldi.

2020/21-yilgi mavsumdan Angliyada transfer oynasi avgustning oxirgi kunida yopiladi. Shu tariqa 2020-yilda yozgi transfer mavsumi 1-sentabr kuni yopiladi.

Klublar o‘zaro kelishuv asnosida ushbu qarorga kelgan.

Bunga qadar ikki yil mobaynida Angliyada transfer oynasi Premyer Liga 1-turidan bir kun avval, ya’ni avgustning boshlarida yopilayotgan edi. Yevropaning qolgan ligalarida esa transfer oynasi kuzning birinchi kunida yopiladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!