Foto: Saida Mirziyova va Ivanka Tramp

BAAning Dubay shahrida 16-fevral kuni Butunjahon ayollar forumi ochildi. Unda Dubay amirligi shayxi Manal bint Muhammad bin Rashid Al Maktum zoti oliyalari taklifiga binoan, jumladan, O‘zbekiston Prezidentining to‘ng‘ich qizi, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva ham qatnashmoqda.

Mavzuga doir: “Yelkamizda keyingi avlod qizlari uchun stereotiplarni yengib o‘tish mas’uliyati turibdi”. Saida Mirziyoyeva Butunjahon ayollar forumida nutq so‘zladi

Saida Mirziyoyeva forumning birinchi kunida nutq so‘zladi. Shuningdek, tadbirning boshqa yuqori martabali mehmonlari bilan muloqotda bo‘ldi. Ular orasida AQSh prezidenti Donald Trampning qizi Ivanka Tramp, Xalqaro valyuta jamg‘armasi ijrochi direktori Kristalina Georgiyeva, BAA vitse-prezidenti va bosh vaziri, Dubay amiri Muhammad bin Rashid al-Maktum, Dubay shahzodasi shayx Hamdan bin Muhammad al-Maktum kabilar bor.