Nigerda “Boko Haram”ning 57 nafar jangarisi yo‘q qilindi

Niger xavfsizlik xizmatlari “Boko Haram” radikal guruhining 57 nafar jangarisini yo‘q qildi. Bu haqda Reuters agentligi xabar bermoqda, deb yozadi “Korrespondent.net”.

“57 nafar terrorchi o‘ldirilgan”, — deyiladi Niger mudofaa vazirligi xabarida.

Harbiylar jangarilardan Toyota pikapi, minomyot, ikki granatomyot, beshta pulemyot, 20 ta AK-47 va o‘q-dorilarni olib qo‘yganligi ta’kidlanmoqda.

Avvalroq “Boko Haram” jangarilari Niger janubi-sharqidagi Diffa hududida joylashgan qishloqqa hujum qilishi oqibatida 15 nafar askar va ikki nafar fuqaro halok bo‘lgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!