Nur-Sultonda qor bo‘ronlari sabab maktablarda darslar bekor qilindi, trassalar yopildi

Qozog‘iston poytaxti Nur-Sultonga yopirilgan qon bo‘roni sabab maktablardagi darslar bekor qilindi, deb xabar beradi Tengrinews.

Shahar ta’lim boshqarmasining ma’lum qilishicha, ob-havoning yomonlashgani sabab maktablarning birinchi smenasida o‘qiyotgan 11-sinfgacha bo‘lgan o‘quvchilar hamda kollejlarning 1, 2-kurs talabalari uchun darslar bekor qilingan.

Poytaxt Favqulodda vaziyatlar departamentining ma’lumotlariga ko‘ra, noqulay ob-havo sharoiti sabab Nur-Sulton—Shuchinsk, Nur-Sulton—Otbosar va Nur-Sulton—Qarag‘anda trassalari yopilgan.

Favqulodda vaziyatlar qo‘mitasi fuqarolarga 18—19-fevral kunlari Qozog‘iston poytaxtida kuchli qor bo‘roni kutilayotgani haqida SMS xabarlar jo‘natgan. Bunda shamol tezligi soniyasiga 23 metrga yetishi kutilmoqda.