Buxoro hokimi O‘ktam Barnoyev bosh vazir o‘rinbosari etib tayinlanishi mumkin

Buxoro viloyati hokimi O‘ktam Barnoyev bosh vazirning agrar va oziq-ovqat sohalarini rivojlantirish masalalari bo‘yicha o‘rinbosari lavozimiga tayinlanishi kutilmoqda, Davletovuz kanali xabar berdi.

Hozirda parlament quyi palatasi fraksiyalari uning nomzodini ko‘rib chiqmoqda.

O‘ktam Barnoyev 2016-yilning dekabridan buyon Buxoro viloyatiga hokimlik qilib keladi. Asli buxorolik bo‘lgan O‘ktam Barnoyev 2008-yilning aprelidan 2010-yilning dekabrigacha Samarqand viloyati hokimi lavozimida faoliyati yuritgan. Undan oldin 2008-yilgacha Qishloq va suv xo‘jaligi vazirining birinchi o‘rinbosari bo‘lgan.