Namangada na mashina, na pulini ololgan ayol IIBga murojaat etdi

Chortoqlik Shuhrat Botirov (ism-shariflar o‘zgartirilgan) o‘zganing mulkiga ega chiqaman deb qattiq adashganini, kech bo‘lsa-da, his etdi. Bu haqda “Daryo”ga Namangan viloyat IIB matbuot xizmati xabar bermoqda.

U Namangan shahrining Nodim ko‘chasida yashovchi Dilafro‘z Sohibova bilan Matiz rusumli avtomobilni 50 million so‘mga sotib olish, pulini esa bir oy muddatda to‘lab berishga kelishadi.

Shundan so‘ng mashinani olib ketadi. Biroq belgilangan muddatdan o‘tib ketsa ham na pulni beradi, na mashinani qaytaradi. 

D. Sohibova aldanganini anglab yetib, Namangan shahar IIBga murojaat etdi. Hozirda ushbu holat yuzasidan jinoiy ish qo‘zg‘alib, tergov harakatlari olib borilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!