Qozog‘iston klubi koronavirus sabab futbolchilariga maosh to‘lashdan bosh tortdi

Qozog‘istonning “Kaspiy” futbol klubi koronavirus pandemiyasi sabab futbolchilarining shartnomasini muzlatdi, deya xabar qilmoqda KazFootball.

Klub asosiy jamoa futbolchilariga favqulotda holat sabab shartnomani 15-aprelga qadar to‘xtatgani haqida xat yuborgan.

Agar mamlakatdagi favqulotda holat cho‘ziladigan bo‘lsa, mos ravishda shartnomaning amal qilmaslik muddati ham uzaytiriladi.

Bu boradagi hujjat klub rahbari vazifasini bajaruvchi Yerlan Yesimov tomonidan imzolangan.

“Kaspiy” Qozog‘iston chempionati joriy mavsumining dastlabki ikki turini mag‘lubiyat bilan boshladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!