“Sport-TV” 860 million odam kuzatishi kutilayotgan Milan derbisini jonli namoyish qiladi

Italiya A seriyasi o‘yinlarini O‘zbekiston hududida translyatsiya qilish huquqini qo‘lga kiritgan “Sport” telekanali Milan derbisini jonli namoyish qiladi.

Uchrashuv 15-aprel kuni Toshkent vaqti bilan 15:30 da start oladi. Uning Milan vaqti bilan 12:30 ga belgilanishi Osiyo auditoriyasini ham jalb qilishga yordam beradi. Taxminlarga ko‘ra, derbini 860 million auditoriya kuzatib boradi.

Bunday o‘yinlar uchun sotilgan chiptalar klubga 4 million yevro foyda keltiishi mumkin. “Inter” o‘tgan yilning sentyabr oyida “Yuventus”ni qabul qilib, 3,9 million yevro daromad qilgani aytilgandi.

“Sport” telekanali 15:20 dan boshlab translyatsiyaga o‘tadi. Kanal, mazkur turdan joy olgan “Roma” — “Atalanta” uchrashuvini ham olib beradi. Bellashuv 22:10 da start oladi.