AQSh o‘zining eng zamoaviy qiruvchi samolyotini sinovdan o‘tkazdi (video)

Boeing kompaniyasi Qatar harbiy-havo kuchlari qurollanishi qatoriga kirishi kutilayotgan F-15QA qiruvchi samolyotining birinchi parvozini muvafaqqiyatli sinovdan o‘tkazdi. Bu haqda kompaniya matbuot xizmati xabar berdi.

Muhandislarning ta’kidlashicha, F-15QA — Amerika qiruvchi samolyotlarining to‘rtinchi avlodlari orasida eng zamonaviy versiya hisoblanadi. Birinchi parvoz vaqtida samolyot havoda 90 daqiqa davomida bo‘lib, Sent-Luisdagi Lamberta xalqaro aeroportiga qo‘nishni amalga oshirgan.

Boeing mazkur qiruvchining “vikingning parvozi” deb ataluvchi manyovrini namoyish etdi — unda samolyot asosiy parvozdan oldin vertikal ravishda havoga ko‘tariladi. Kompaniyaning ta’kidlashicha, samolyot va uning ichki tizimlari sinovdan muvaffaqiyatli o‘tgan.

What’s a “Viking takeoff”? Watch as the Qatar Emiri Air Force #F15 demonstrates the maneuver during its first flight. pic.twitter.com/wLHEuvH0Lt

— Boeing Defense (@BoeingDefense) April 14, 2020

F-15QA o‘zidan oldingi qiruvchiga qaraganda bir qator modifikatsiyaga uchragan: eletrodistansion boshqaruv tizimi, raqamli qurilmalar paneli, datchiklar, radar va radioelektron kurash vositalari yaxshilangan. Qiruvchi samolyotning konstruksiyasi ancha barqaror va ta’mirlashga yaroqli bo‘lib, ko‘plab xavflarda himoya qilishga qodir.