Podstansiyadagi yong‘in sabab San-Fransiskoning 90 mingdan ziyod aholisi chiroqsiz qoldi

Pacific Gas & Electric (PG&E) kompaniyasi podstansiyasidagi yong‘in oqibatida San-Fransisko shahrida 90 mingdan ziyod aholi chiroqsiz qoldi, deya xabar bermoqda “Kommersant”.

Shahar o‘t o‘chirish departamenti ma’lumotlariga ko‘ra, elektr ta’minotining uzilib qolishi oqibatida hech kim jabrlanmagan.

CBS telekompaniyasi ma’lumotlariga ko‘ra, elektr ta’minotidagi uzilishlar sababli shahar atrofida harakatlanuvchi poyezdlar jadvali izdan chiqqan.

Shuningdek, shahar ko‘chalarida svetoforlar o‘chib qolgan. Shahar navbatchilik xizmatlariga liftlarda qamalib qolgan odamlardan 20 ga yaqin murojaat kelib tushgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!