Donald Tramp Angela Markel bilan turlicha qarashlari borligini ma’lum qildi

AQSh prezidenti Donald Tramp AP agentligiga bergan intervyusida Germaniya kansleri Angela Merkel bilan shaxsiy munosabatlari yaxshi bo‘lishiga qaramay, NATOga a‘zo mamlakatlarning mufodaa xarajatlari va immigratsiya borasidagi qarashlari turlicha ekanligini aytib o‘tdi, deb xabar berdi “Kommersant”.

Mening barcha yetakchilar, jumladan, as-Sisiy (Misr prezidenti Abdulfattoh as-Sisiy)  bilan munosabatim ajoyib bo‘lgani uchun odamlar menga ishonadi.

Donald Tramp, Amerika prezidenti

6-aprel kuni Donald Tramp va Angela Merkel o‘zaro telefon suhbatida Ukraina sharqidagi mojaro va Afg‘onistondagi vaziyatni muhokama qilgan edi. Ikki davlat rahbarlari yuqoridagi ikki masala bo‘yicha hamkorlik qilishga va harakatlarni muvofiqlashtirishga kelishib olgan. Mart oxirida Angela Merkel AQSh prezidentining qizi Ivanka Trampni Berlindagi iqtisodiy sammitga taklif qilgani ma’lum bo‘lgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!