Gaiti bosh vazirining korteji ikki o‘smirni urib ketdi, ulardan biri halok bo‘ldi

Gaiti bosh vaziri Jak Gi Lafontanning korteji 24-aprel, dushanba kuni ikki o‘smirni urib ketdi, ulardan biri kasalxonaga ketishda vafot etdi, deb yozadi “TASS”.

Hodisa mamlakat janubi-g‘arbidagi Le-Ke shahrida yuz berdi. Associated Press ma’lumotlariga ko‘ra, o‘smir bolalar mototsiklda ketayotgandi. Jarohatlangan yigitchani vertolyotda mamlakat poytaxti Port-o-Prensga yetkazishdi.

Halokatga nima sabab bo‘lgani noma’lum. Hukumat avtomobillari juda yuqori tezlikda harakatlangan bo‘lishi istisno qilinmayapti.

Yo‘l-transport hodisasidan so‘ng kortej to‘xtamadi. Bu mahalliy aholi g‘azabiga sabab bo‘ldi, norozilik belgisi sifatida ular avtomobil shinalarini yoqib yubora boshladi.

Lafontan Gaiti janubi-g‘arbiga u yerda o‘tgan dam olish kunlari sodir bo‘lgan jala oqibatida suv ostida qolgan tumanlarni ko‘rish uchun borgan. Suv toshqinida kamida to‘rt kishi qurbon bo‘lgan.