Serxio Ramos La Ligada gol urish bo‘yicha Ronald Kumanning 26 yillik natijasini takrorladi

“Real” himoyachisi Serxio Ramos Ispaniya La Ligasi 38-turi doirasida o‘tkazilgan “Leganes”ga qarshi o‘yinda (2:2) o‘z hisobiga gol yozdirib qo‘ydi.

Bu ispaniyalik futbolchi uchun La Liganing joriy mavsumidagi urilgan 11-gol bo‘ldi.

Shu tariqa 34 yoshli Ramos 1993/94-yilgi mavsumdan keyin Ispaniya chempionatining bir mavsumida 10 tadan ko‘proq gol urgan ilk himoyachiga aylandi. Bungacha faqat “Barselona” sobiq himoyachisi Ronald Kuman mazkur natijani qayd etgan.

Ramos joriy mavsumda chempionat bahslarida jami 35 uchrashuvda maydonga tushib, 11 ta gol va 1 ta golli uzatmaga mualliflik qildi.

Mavzuga doir: