Rossiyada ro‘y bergan YTHda O‘zbekiston fuqarosi halok bo‘ldi
25-aprel kuni Rossiyaning Saratov viloyati Fyodorovsk tumanida ro‘y bergan YTH oqibatida bir kishi halok bo‘ldi, to‘rt kishi jarohatlandi. Halok bo‘lgan shaxs O‘zbekiston fuqarosi edi, deb xabar beradi “1News.uz”.
Dastlabki ma’lumotlarga qaraganda, Engels–Yershov avtoyo‘lida (Samara–Volgograd federal trassasi uchastkasi) Munino qishlog‘i yaqinida Toyota Auris avtomobilining 33 yoshli haydovchisi ters yo‘lga chiqib ketgan. Buning oqibatida u 33 yoshli ayol boshqaruvidagi “VAZ-2115” mashinasi bilan to‘qnashgan.
“VAZ-2115” yo‘lovchilaridan biri, 38 yoshli O‘zbekiston fuqarosi halok bo‘lgan. Bundan tashqari, mashinani boshqarib kelgan ayol jiddiy jarohat olgan va hozir og‘ir ahvolda. “VAZ-2115”ning ikki yo‘lovchisi va Toyota haydovchisi shifoxonaga tushgan.
Mavjud ma’lumotlarga ko‘ra, “VAZ-2115”da O‘zbekiston fuqarolari ketayotgan edi.