Janluiji Buffon A Seriyada rekord o‘rnatdi

“Yuventus” klubi Italiya chempionatining 2019/20-yilgi mavsumi g‘olibiga aylandi.

Turinliklar darvozaboni Janluiji Buffon o‘ninchi marta A Seriya g‘olibiga aylandi. Bu musobaqa rekordi hisoblanadi.

Undan keyingi o‘rinlarda 9 tadan skudetto bilan jamoa himoyachilari Leonardo Bonuchchi va Jorjio Kyellini bormoqda.

Ma’lumot uchun, “Yuventus” mavsum tugashiga ikki tur qolganida chempionlik masalasini hal qildi. Turin klubi ketma-ket 9-marta Italiya chempioniga aylandi.

Buffon Italiya chempionatining joriy mavsumida 8 ta o‘yin o‘tkazib, o‘z darvozasidan 8 ta to‘p olib chiqdi.

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!