Rasman: Buffon “Yuventus”ga qaytdi

PSJ sobiq darvozaboni Janluiji Buffon “Yuventus”ga qaytdi. Bu haqda turinliklarning rasmiy saytida xabar berildi.

41 yoshli italiyalik Turin klubi bilan 2020-yilning 30-iyuniga qadar mo‘ljallangan shartnoma imzoladi.

2018/19-yilgi mavsum Buffon PSJ klubi sharafini himoya qildi. U bunga qadar 17 yil mobaynida “Yuventus” tarkibida maydonga tushdi.

Ma’lumot uchun, Buffon ortda qolgan mavsum Fransiya chempionatida 17 ta uchrashuv o‘tkazdi va klub bilan birgalikda Fransiya chempioni bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!