Hamzat Chimayev Konor Makgregorni jangga chorladi

Yarim o‘rta vazn toifasida harakat qiluvchi UFC jangchisi Hamzat Chimayev promoushenning ikki vaznida chempionlikni qo‘lga kiritgan Konor Makgregorni jangga chorladi.

“Konor Makgregor — jo‘ja qalbli tap-mashina. Deyna Uayt, men ochman, menga desert ber”, — deya yozadi Chimayev Twitter’ida

Eslatib o‘tamiz, 32 yoshli irlandiyalik yakkakurashchi avvalroq faoliyatini yakunlashini ma’lum qilgandi.

Chimayev 16-iyul kuni UFC on ESPN 13 musobaqasida promoushendagi debyutini o‘tkazdi va unda shvetsiyalik sportchi Jons Fillipsni og‘ritish usuli bilan taslim etdi. Shuningdek, UFC Fight Island 3 musobaqasida Hamzat Ris Makkini 3 daqiqa ichida nokautga uchratdi. Shu tariqa Chimayev 10 kun ichida ikkita jang o‘tkazgan UFC tarixidagi ilk jangchiga aylandi.

Mavzuga doir: UFC tarixiga kirgan Hamzat Chimayev bir oy ichidagi 3-jangini o‘tkazishi mumkin

Chechenistonda tug‘ilgan Hamzat Chimayev 2011-yilda Shvetsiyadan siyosiy boshpana so‘rab, yurtini tark etgan. Otasidan tashqari barcha oila a’zolari 2019-yilda Shvetsiyaga ko‘chib ketgan. Sportchining o‘zi esa xalqaro musobaqalarda Shvetsiya nomidan ishtirok etadi.

Hamzat Chimayevning UFC’dagi ilk janglarini tomosha qiling (video)