Xitoyda “baxtli” telefon raqami 300 ming dollarga sotildi

Pekin shahrida onlayn-auksion o‘tkazildi, unda avvalgi abonentdan tortib olingan baxtli raqam sotuvga qo‘yildi. Beshta sakkiz bilan tugaydigan baxtli raqamni 324 ming dollarga auksion ishtirokchilardan biri yutib olgan, deb yozadi “Korrespondent.net”.

Auksion aholi orasida hayajonga sabab bo‘ldi. Unda qatnashish narxi 57 dollardan ko‘proq bo‘lishiga qaramay, baxtli raqamni sotib olish uchun besh mingdan ortiq odam ro‘yxatdan o‘tgan.

Ma’lumot uchun, Xitoyda “sakkiz” soni omad keltiruvchi raqam hisoblanadi. Shuningdek, bu raqam Mandarin tilida “farovonlik” so‘zi bilan shakldosh sanaladi.

Baxtli raqamga erishgan g‘olibning 300 ming dollar to‘lovni to‘lashi uchun 10 kun muhlat berilgan.

Mavzuga doir: