Rossiya Avstriyadagi diplomatining akkreditatsiyasi bekor qilinishiga javoban avstriyalik diplomatni o‘z hududidan chiqarib yuboradi

Rossiya Tashqi ishlar vazirligi o‘z diplomatining akkreditatsiyasi bekor qilinishi munosabati bilan Avstriyaning Moskvadagi elchisiga protest e’lon qildi. Bu haqda Meduza xabar berdi.

Rossiya Tashqi ishlar vazirligi bayonotida aytilishicha, o‘zarolik tamoyiliga tayanib, javob chorasi sifatida bir nafar avstriyalik diplomatga persona non grata maqomi berilgan.

Avvalroq Avstriya birinchi marta iqtisodiy josuslikda gumon qilingan rossiyalik diplomatni mamlakatdan chiqarib yuborishi haqida ma’lum qilingan. Diplomatni bir necha yil davomida uning qo‘l ostida josuslik qilgan mahalliy fuqaro fosh qilgan.

Ikkala tomon ham chiqarib yuboriladigan diplomatlarning nomlarini ma’lum qilmagan.