Diyego Simeone koronavirusga chalindi

“Atletiko” bosh murabbiyi Diyego Simeoneda koronavirus aniqlandi. Bu haqda madridliklar rasmiy saytida ma’lum qilindi.

11-sentabr kuni olingan test natijalari mutaxassisda infeksiya borligini ko‘rsatgan.

Ta’kidlanishicha, kasallik alomatlarsiz davom etmoqda, Simeone esa o‘z uyida izolyatsiyaga olingan.

Avvalroq “Atletiko” hujumchisi Diyego Kosta va himoyachi Santyago Aryasda COVID-19 virusi aniqlangandi.

“Atletiko” La Liga 2020/21-yilgi mavsumni 27-sentabr kuni “Granada”ga qarshi o‘yin bilan boshlaydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!