Yurgen Klopp: “Lids” bizni xato qilishga majbur qildi

“Liverpul” bosh murabbiyi Yurgen Klopp Angliya chempionati birinchi turidan o‘rin olgan “Lids”ga qarshi o‘yindan (4:3) so‘ng o‘z fikrlari bilan o‘rtoqlashdi.

Ajoyib raqibga qarshi ajoyib o‘yin bo‘ldi. Haqiqiy shou bo‘ldi, menga yoqdi. Har doim ham buncha ko‘p gol ko‘ravermaysiz. Futbolchilarimiz o‘z terma jamoalaridan endi qaytib keldi, shu sababli xatolar ko‘zga tashlandi.

Raqib bizni xato qilishga majbur qildi. Biz ko‘proq narsaga qodirmiz va buni amalga oshira olamiz, lekin menga “Lids” kabi yaxshi shakllangan va ishtiyoqli jamoaga qarshi o‘yin yoqdi. Agar ular shu shiddatni saqlab qolsa, mavsumni yaxshi o‘tkazadi.

Yurgen Klopp, “Liverpul” bosh murabbiyi

“Liverpul” “Arsenal” va “Kristal Pelas” bilan birgalikda yangi mavsumning birinchi turida uch ochkoni qo‘lga kiritdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!