Taniqli suxandon va xonanda Shuhrat Qayumov 51 yoshida olamdan o‘tdi

22-sentabr kuni O‘zbekistonda xizmat ko‘rsatgan madaniyat xodimi, taniqli suxandon va san’atkor Shuhrat Qayumov 51 yoshida vafot etdi.

Ma’lumotlarga ko‘ra, uning o‘limiga yurak xuruji sabab bo‘lgan.

Shuhrat Qayumov uzoq yillar “O‘zbekiston” teleradiokanalida “Assalom O‘zbekiston”, “Ohangrabo” ko‘rsatuvlarini tayyorlab, muxlislar qalbidan joy olgan. Uning taronalari ham ko‘plab qalblarni zabt etgan edi.