Janubiy Qozog‘iston viloyatidan O‘zbekistonga “Do‘stlik karvoni” yo‘l oldi

Janubiy Qozog‘iston viloyatidan O‘zbekistonga “Do‘stlik karvoni” yo‘l oldi. Bu haqda “1news.uz” xabar bermoqda.

Janubiy Qozog‘iston viloyat hokimi matbuot xizmatiga ko‘ra, O‘zbekistonga kelgan qozog‘istonlik oqsoqollar Toshkentda To‘labiy qabrini, so‘ng Samarqandda Amir Temur va Yalangto‘sh Bahodir, Buxoroda Bahouddin Naqshband maqbaralarini ziyorat qiladi.

Oqsoqollarning O‘zbekiston Baynalmilal markazi, Respublika qozoq madaniy markazi va boshqa tarixiy-madaniy markazlar bilan tanishishi, o‘zbek qardoshlari bilan muloqotda bo‘lishi ham ko‘zda tutilgan.

Mazkur tadbir Qozog‘iston xalqlari assambleyasi va O‘zbekiston Baynalmilal markazi o‘rtasida imzolangan hamkorlik to‘g‘risidagi memorandum doirasida amalga oshirilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!