Amazonkalar malikasi dunyoni qutqaradi: “Mo‘jizakor ayol”ning oxirgi treyleri chiqdi

Warner Bros. Kinostudiyasi “Mo‘jizakor ayol” filmining yakuniy treylerini e’lon qildi. Film premyerasi 2017-yil 1-iyunda bo‘lib o‘tadi, deb xabar beradi Meduza.

Film DC nashriyotining shu nomli komiksi asosida suratga olingan. Kartina amazonkalar malikasi Diana Prins haqida hikoya qiladi. U boshqa amazonkalar bilan birga orolda yashaydi. Dunyoda urush ketmoqda, va bir kuni amerikalik uchuvchi orol ustida halokatga uchraydi. U Dianani urushga yo‘l olishga ko‘ndiradi.

Filmda bosh rolni isroillik aktrisa Gal Gadot ijro etdi. Shuningdek, asosiy qahramonlarni ekranda Kris Payn, Robin Rayt va Yuen Bremner jonlantirdi. Rejissor — Petti Djenkins.

“Daryo” yangiliklarini “Odnoklassniki”da kuzatib boring